ალექს თოფურია არის სილქ როუდ ჯგუფის დირექტორთა საბჭოს წევრი, რომელიც შეუერთდა ჯგუფს 1998 წლიდან. ალექსის გამოცდილება ვრცელდება კავკასიის, კასპიის და ცენტრალური აზიის რეგიონებზე, სადაც მან წამოიწყო ახალი სატრანსპორტო მიმართულებებისა და ლოჯისტიკური მომსახურების განვითარება. სილქ როუდ ჯგუფში მოსვლამდე მან დააარსა „MediCopy“ სარეკლამო და ბეჭდვითი მომსახურების სააგენტო, რომელიც საქართველოს ბაზარზე მომხმარებელს თავაზობდა ციფრულ ტექნოლოგიებს. ის გატაცებულია ახალგაზრდული ფეხბურთის განვითარებით საქართველოში, ალექსმა დააარსა ფეხბურთის აკადემია თბილისის გარეუბანში. ის სწავლობდა ეკონომიკასა და გეოგრაფიას თბილისის სახელმწიფო უნივერსიტეტში, გერმანულ ენას გოეთეს ინსტიტუტში, იზერლონში, გერმანიაში და გაიარა დიპლომისშემდგომი განათლება ეკონომიკისა და ბიზნესის მართვაში ვიტენ/ჰერდექე-ს უნივერსიტეტში, გერმანიაში. ალექსი არის საქართველოს „National Geographic”-ის საბჭოს წევრი.
